وماذا بعد ؟؟؟
رأينا الشهداء تتطاير امام عيوننا
راينا الدموع في العيون
رأينا الدماء تسيل في الشوارع ،
سمعنا الصراخ يتعالى
حسبنا الله ونعم الوكيل
لماذا لا تفتح الابواب والمعابر لاهل غزة؟؟؟
لماذا لا تفتح الابواب والمعابر لاهل غزة؟؟؟
ألأنهم قالوا علنا اننا رضينا بالله رباً وبمحمد نبيا وبالاسلام دينا
وأنتم لماذا تصمتون ..؟
اين انتم يا علماء الامة ؟؟
سحقا لهذا الصمت الظالم
ارفعوا أصواتكم ... اغضبوا واصرخوا صرخة لله .. لا تجعلهم يحاصروا أرضنا وعقولنا وألسنتنا
!والله سنحاسب عند االله تعالى فرداً فرداً عما يحصل في غزة .!!وسنترك الله حكما بيننا .
سمعنا الكثير ... وقرأنا الكثير من خلال المدونات والمواقع عما يحدث في غز
ولكن ماذا بعد ؟؟؟
ماذا بعد سماعنا وقرأتنا ورؤيتنا لما يحدث ؟؟
نريد أن نضع خطوات عملية لما يحدث
نريد ان نتحرك .. ان نتغير ... ان نخزي عدونا ... أن ينستغل مايحدث الان بإخواننا في غزة
أن تكون صحوة لفهم ديننا بشكل صحيح
أن تكون صحوة لفهم عدونا وكيدهم بشكل عملي
فهما لا يريدون غير تشتيت أفكارنا
لا يريدون غير انقسام عروبتنا وتفكهها وتمزق أوصالنا
لا يريدون غير شباب منهارة .. تاركة لاصول دينها
فالله الله في شباب هذه الامة
فإن كنا لانستطيع محاربة هؤلاء الصهاينة بالطائرات
فلنحاربهم بديننا
برجوعنا إلى إسلامنا الصحيح
أصلنا طول مااحنا بعيد عن دينا مش هنقدر نساعدهم بحاجة
بل بالعكس هنكون بنعين أعدائنا ونمكنهم من إخوانا ومن نفسنا
المشكلة ممكن تكون فى إسرائيل فعلا
لكن المشكلة الأكبر فينا إحنا ؟؟
والله فينا
لو كل واحد حس انه محور ولبنة مؤثرة فى بنيانا كمسلمين وعرب
هيعرف أد ايه احنا بنستهون وبنضيع هويتنا وأمتنا
لو كنا امة واحدة .. ما تجرأ أحد على تغلغلها بهذا الشكل المهين
الرسول " صلى الله عليه وسلم " كان دايما بيركز على المسلمين على البيت المسلم
وليس على الغير من الأعداء
لو فضلنا نلقي اللوم على بعض .. كل واحد يقول غيري السبب
يبقى مش هنتغير .. ومش هنحل المشكلة
وهنكون بكده بندخل عدونا بايدينا .. وبنفذ اللى هما عاوزينه
كل واحد مننا دلوقتي بيقول " أنا عاوز أجاهدومش هرضى بحل غير كده وعايز اشفى صدري"
ونرجع نقول بسسسسسس
أصل الحكومات قافلة الأبواب .. حسبنا الله ونعم الوكيل .
طب احنا مالنا ومال الحكومات واللى بتعمله
احنا بنرضي نفسنا ونأخد حقنة مسكنة بالكلام ده
" ولو أرادوا الجهاد لأعدوا لهم العدة "
طب مش قبل ما نقول احنا عاوزين نجاهد .. نجهز نفسنا الأول
نخطط ونبني قوتنا عشان نقدر نواجههم
عاوزين بجد نبني نفسنا ونبني امتنا من تاني
عازين نأخد شوية من اللي بيحصل ونخليه إيجابي في حياتنا
نفهم اللى بيحصل ده بأنه رسائل ربانية .. بتفوقنا وبتدينا جرس إنذار
ده إبتلاء .. وإبتلاء كبير قوى
وربنا وعدنا بالنصر.. لكن كمان ربنا قال
" إن تنصروا الله ينصركم ويثبت أقدامكم"
واخدين بالكم من الآية ... إن تنصرو الله ينصركم
فإن لم ننصر الله في أنفسنا وتعاملاتنا وعلاقاتنا بالله وفيما بيننا
لن نكون اهلا لنصرة وتطهير دينه من دنس اليهود والصهاينة
لو عاوزين نتخلص من اليهود اعدائنا يبقى لازم الأول
نتخلص من صفاتهم اللى عاوزين ينشروها بينا
وعشان مش نطول فى الجزء ده
طيب بعد كده نرجع نقول تانى
احنا بايدينا ايه نعمله لغزة ؟؟؟
هنقول اللى نقدر عليه .. بس ياااااريت بلاش نستهون بالكلام د
على الأقل عشان نقدر نرد لما ربنا يحاسبنا على اللى بيحصل لهم فى غزة
نقول يارب عملنا اللى نقدر عليه ... بس يكون فعلا ده كل اللى نقدر عل
وبلاش نشوف اللى بيحصل ونغمى عنينا عن حقيقته
1: بإيدينا نرسل لهم تبرعات
2: نتبرع بالدم لو امكن
3: نشر وتفعيل وتوعية الناس بالقضية في الدول العربية والغربية
4: الدعاء لهم ليل نهار ونحمل همهم بشدة فنحن كالجسد الواحد
5: بإيدينا نغير ونصلح من نفسنا ليصلح الله حالنا ويرفع الله غضبه عنا من الذل والمهانة
" إن الله لا يغير ما بقوم حتى يغيروا ما بأنفسهم "
6: نكون قدوة لغيرنا في الإنضباط والجدية وعدم التكاسل في تفعيل القضية بين الناس
7: رفع شعار " إنما المؤمنون أخوة " بيننا واستشعاره والاحساس بقيمته
وحبذا لو شاركنا في هذا الأمر أطفالنا .. فهم الان على مسمع مرأى لما يحدث ولا يخفى عليهم شئ
فلنفعلهم ولنشعرهم بذلك ونربي بداخلهم المشاركة والتفاعل بكافة الطرق
8: المقاااااااااطعة ... عاوزين نقاطع كل البضائع الأمريكية والبريطانية
(((((فقط )))) شهر واحد .. شهر واحد فقط .. ستخسر أمريكا 8.6 بليون دولار باليوم
فهم يجمعون التبرعات لقتل المسلمين " حسبنا الله ونعم الوكيل " ونحن لانجمع شئ لإنقاذ هؤلاء المسلمين
المستضعفين ... لا تريدون أن تجمعوا التبرعات ... لا مشكلة
ولكن ... توقفوا عن التبرع ودعم إسرائيل بشراء هذه المنتجات مثل:
ستار بوكس - ماكدونالذ - برجر كينج - كنتاكي - بيتزا هت - كوكا كولا - بيبسي - شيليز....
والقائمة يعرفها الجاهل قبل المتعلم
اخبر إخوانك ،، أهلك ،، جيرانك ،، أصحابك ،، وتوقف لشهر واحد فقط
9: إرسال رسائل للمسئولين لمن أمكن له ذلك من خلال المواقع والجروبات المخصصة لذلك
9: إرسال رسائل للمسئولين لمن أمكن له ذلك من خلال المواقع والجروبات المخصصة لذلك
10: هناك أرقام للهواتف الفلسطينية لمن أراد أن يتواصل مع أهلنا في غزة
وهي : 00970828 خان يونس ويتم وضع 6 أرقام عشوائية بعد هذا المفتاح
00970821 رفح
00970825 غزة
يااااااااااريت بجد مش نستهون بالموضوع ونجدد نيتنا فيه وفي كل اعمالنا تجاهم
ويااااااااااريت اللى مش حاسس بان الكلام ده مش هيجيب فايدة .. يخلي كلامه لنفسه
بلاش تكون سبب فى انك تبعد واحد عن حاجة هيعملها لاهله في غزة
كفاية عليك حسابك على اللى انت عملته وبلاش تشيل وزر غيرك
خلي سلبيتك جواك ... عاوزين نقول لكل أفكارنا السلبية ...لألألأ
كفاينا غفلة وبعد عن ربنا ... كفاينا ذنوب ومعاصي بسببها أمتنا في هذا الذل والمهانة
اسأل الله أن يغفر لى ولكم تقصيرنا في حق إخواننا فى غزة
وأن اكون قد وفقت في عرض ماعندي من مقترحات ولكم مطلق الحرية في عرض مقتراحتكم
وأن نستغل هذا الابتلاء في العودة إلى الله وتمكين دين الاسلام
.jpg)
22 شارك برأيك:
السلام عليكم ورحمة الله وبركاته
ربنا يبارك لك بجد اثرتي كذا نقطه مهمين جدا في القضيه ديه
والقضيه انا بقول عليها انها اكبر من ضرب غزة بكتير القضيه فين هيبه المسلمين للدرجه ديه استباحوا دمائنا ولا كاننا بشر ولينا قيمه
فين قيمه الدم المسلم اللي ماتوا ربنا اصطفاهم وهم شهداء عند ربهم يرزقون
لكن احنا لسه احياء في الدنيا واكيد ربنا هيسالنا اتحركنا والا لا عملنا شئ عملي والا لا
البكاء والعويل والحماس الزائد اللي مش متخطط له مش هيدي اي نتيجه لكن العقل والحكمة مطلوبه جدا في المواقف ديه فنفكر كويس وان شاء الله لعلها صحوة لينا وبجد نفوق من الغيبوبه اللي احنا فيها ونعود للقرءان ولديننا بجد
طيب دلوقتي ذكرتي كذا حل واحب اقف علي حاجه
اولا انا معاكي في الناس الي بتقول افتحوا لنا باب الجهاد اولا احنا محتاجين جهاد للنفس علشان نصلحها علشان نكون نبيه قويه جوانا نقدر نقف بيها امام العدو وكمان مطلوب مننا نصلح في اللي حوالينا وكل واحد يعمل الللي يقدر عليه لان القضيه ان تنصروا الله ينصركم ويثبت اقدامكم
انصروا دين الله في انفسكم
انصروا دين الله في اهليكم
انصروا دين الله في اعمالكم
انصروا دين الله في معاملتكم
انصروا دين الله في اخلاقك
سنجد النصر باذن الله
وكمان ياريت بجد نعرف ان الدين دا عباره عن اخلاق ومعاملات وعبادات وكل دا كلا لا يتجزأ
انا بسمع مهازل والله ما ينفعش نفصلهم عن بعض ما ينفعش مظهرنا يكون ديني وتعاملاتنا لا ولا اخلاقنا تدل علي ديننا
احنا محتاجين اعاده هيكله من تاني محتاجين نزبط الميزان بجد شوفوا اخلاق رسولنا الكريم وطبقوها وشوفوا ازاي كان بيعالج الامور بالحكمه واعملوا زيه شوفوا تعاملاته مع اهل بيته ازاي واتعملوا زيه ساعتها ان شاء الله نجد النصر حتما
حاجه كمان بلاش في عز الازمة نتفرق ونكون احزاب احنا لازم نصلح ذات البين ونكون صف واحد مرصوص يشد بعضه بعضا علشان نرهب عدونا وعدو الله فيد الله مع الجماعه
واخيرا اختم بحديث الرسول عليه الصلاة والسلام اللي اتحقق دلوقتي واتشاف في عصرنا دا
يوشك أن تداعى عليكم الأمم كما تتداعى الأكلة إلى قصعتها.قالوا :أوَ من قلةٍ نحن يومئذٍ يا رسول الله ؟ قال :بل أنتم يومئذٍ كثير ولكن غثاء كغثاء السيل ، ولَيَنزعن الله الرهبة من قلوب عدوّكم وليقذفنّ في قلوبكم الوهن ، قيل :وما الوهن يا رسول الله ؟ قال :حب الدنيا وكراهية الموت
يبقي نتصلح نتصلح ونرجع لدينا ونطبق السنه صح وسااعتها سننول النصر
قال الله تعالي
كتب الله لاغلبن انا ورسلي ان الله قوي عزير
فلنكن رسل الله بحق للننال العزة والرفعه والتمكين في الارض
ولعل الله اراد ان بيقول لنا اقيقووووا يا امه محمد وارجعوا بقا لدينكم فروا الي الله
وعسي ان تكرهوا شيئا وهو خير لكم
كل الطرق العمليه اللي ذكرتيها جزاك الله خيرا عليها
ربنا يبارك لك يا رب
ودا بجد المطلوب مننا الحركه والتغيير لو ربنا وجد مننا العزم هينصرنا ان شاء الله نصر عزيز مقتدر
غربتي
السلام عليكم ورحمه الله وبركاته
حبيبتى كلامك جميل ومؤثر و.و.و....الخ
المشكله اننا بنتكلم وبس يعنى مثلا هنعمل ايه ما نتصل بيهم
هنسمع صريخهم اللى مبينقطعش
من الفضائيات ولا هنعزيهم
ونواسيهم فى ضحاياهم
المهم الفعل انتى صح فى كده الفعل فين
منظلمش علمائنا
لانه حرام
هما صوتهم اتنبح من كتر الصياح
محدش سامع ولا سائل فيهم
مش بقول اننا شعب متراخى لا بالعكس بدليل المظاهرات والحاله اللى الكل فيها بسبب اللى بيحصل
بس للاسف مفيش حد يقدر يعمل اكتر من اللى الدوله محدداه اصلا
وساعات بحس انه الحكومه عندها حق وساعات كتير طبعا لا
بس تعالى معاايا كده وفكرى شويه
لو فضل المعبر مفتوح ليل نهار واللى يعدى يعدى وتبقى هيصه ده مش فى صالح حد لا الفلسطنين ولا احنا
لانه وبكل بساطه هندى الصهاينه سبب لضربنا احنا ودخول ارضنا اللى سقناها بالدم عشان نرجعها
ورجعت فى 73
المصابين يعدوا للعلاج ماشى
المعونات تعديلهم للمساعده
برده ماشى
انما تبقى سايبه للكل
معتقدش فى مصلحتنا
وده مش تخلى عن اخوانا
بالعكس احنا معاهم
وبنعمل اللى نقدر عليه
انما اكتر من كده هنموت معاهم
ووقتها لا احنا ولا هما
هنلاقى حد يساعدنا
طبعا وقف تصدير الغاز ده امر ياريت نقدر عليه والمقاطعه برده نقدر عليها
لكن ننضرب ونموت نفتح الباب تانى للصهاينه يدخلوا ويضربوا ارضنا بأى حجه مهما كانت لا
اعتقد الكل فاهم انه الاهم والخطه طويله الامد للصهاينه هتكمل بمصر
ده حلمهم
مينفعش نقدملهم حلمهم
على طبق من الماس
حرام بجد دم الناس اللى هتكون راحت هدر عشان نرجع ارضنا
يبقى اللى نقدر نعمله بعد الدعاء والصلاه والمعونات
وفتح المعبر للمصابين للعلاج
اننا نصلح حالنا احنا بدل منقعد نصوت ونقول ليه كده ده حرام وظلم
من اعمالنا سلط علينا
اكيد قلوبنا كلنا بتتقطع على الحال اللى وصل ليها اخوانا فى فلسطين
بس حد فكر انه ده ممكن يكون تحذير لينا الدور علينا لو فضلنا
نتكلم وبس
بعدنا عن ربنا
سبب الهلاك اللى حل علينا
القنوات الدينيه كترت والعلماء صوتهم عالى فى الفضا والناس بتسمعهم
بس وبعدين
هنفضل نعلق حالنا على العلماء والحكومات والظلم ومعرفش ايه
لو الناس اللى طلعت فى المظاهرات بس طلعت لصلاه الفجر مكنش ده هيبقى حالنا
الكلام كتير وبرده انا بتكلم زيى مكتير غيرى بيتكلم عشان يعبر عن اللى حاسس بيه بس ياريت نفهم انه مره واحده بس نترجم حماسنا ومشاعرنا فى الاتجاه والطريق الصح
محدش هيقدر يدوسلنا على طرف وهنرجع اسياد الارض زى مكان رسولنا وصحابته اللى كانوا ماشين على نهجه واتباع سنته وتطبيق القرأن والسنه فى كل خطوه وفعل
هو ده الحل
مش الكلام الكتير بدون فعل واتهام اى حد بحاجه ملوش ذنب فيها
نصلح حالنا الاول هتتصلح الامه
الله المستعان
الله اكبر ولله الحمد
تكبير
الله اكبر
الله غايتنا
القران دستورنا
والرسول قضوتنا
والجهاد سبيلنا
والموت فى سبيل الله اسمى امانينا
خيبر خيبر يايهود جيش محمد هنا موجود
الانتقام الانتقام ياكتائب القسام
يازهار قل لهنية
لاتنازل عن البندقيه
يارب يارب
انصر دينك
اول مطلب للجماهير فتح معبر
طرد سفير
ثانى مطلب للجماهير
وقف الغاز عن اسرائيل
يا سفير الخنازير
اخرج بره ارض النيل
قلها يا اخى لاتخف
اصرخ يا اخى لا تخف
انطلق اخرج
قاوم جاهد
مع اخوانك
اصرخ فى وجه الطغيان
نريد النصره لحماس
انطق يا اخى اخوانك يقتلون
اصرخ اغضب
اتحرك انطلق
ما عاد وقت للصمتى او للخزى او للعار
اخوانك يجاهدون
وانت ماذا تنتظر
اصطفاهم الله باشهادة
اترك الدنيا يا اخى
لك الحور العين لك جنات
عرضها السماوت والارض
لك القصور والذهب
وما تشتهى الانفس
انطق يا اخى لن تموت
بل ستحيا
اصرخ فى وجه
خائن
اصرخ فى وجه عميل لليهود
اصرخ فى وجه ظالم متعاون
اخرج لنصرة اخوانك
حى على الجهاد
حى على الجهاد
حى على الجهاد
جاهد بالكلمة
جاهد بالعمل
جاهد بالتبرع
جاهد بالمقاطعة
جاهد بكل الوسائل
جاهد بالمسيرات
حتى تفتح
الحدود
جاهد جاهد جاهد
لن تموت
بل ستحيا
حياة الخلود
السلام عليكم ورحمة الله وبركاته
أختي اخر العنقود بجد أجد نفسي عاجزا عن أن أشكرك شكرا عزيزا غاليا لأنك بالفعل تفتحي لنا المجال للنقاش بحق المفتوح..
أولا جزاك الله خيرا علي هذه الرسالة التي أعتبرها من أشمل الرسائل التي قرأتها عن غزة وما هي فيه من أحوال.
ثانيا بارك الله فيك علي تجولك في أركان المشكلة ومحاولة حلها لذوي العقول المنتبهة وبجد لو حد فهم قصدك هنرتاح كثيرا من بعض ما يصيبنا من ذل وهوان.
ثالثا أرحب بفكرتك بالإتصال بأهل غزة وذلك درب من المواساة لكي يعرفوا أننا معهم بحق ولسنا نائمين.
وأرحب بفكرتك بفتح معبر غزة والجميع يعلم لماذا هذا..؟
وأرحب بما تقولين من عدم الصمت الفظيع المرعب من العلماء وسأقول السبب في نقاشي مع لؤلؤة الرحمن .
وأرجو منك ترك مساحة للنقاش المفتوح لنتعلم من بعضنا البعض
إسمحي لي أن أناقش أختي لؤلؤة الرحمن وأرجو منك توجيه تنبيه لها أنني أناقشها هنا في هذا التعليق بالدليل والادلة المستوفاة من الكتاب والسنة ولو حضرتك رفضي نقاشي هذا فأبلغيني بذلك لأحذف التعليق وأجدده.
****************
لؤلؤة الرحمن
****************
السلام عليكم ورحمة الله وبركاته
كعادتي أناقش للوصول إلي الحق الواضح الناصع البين بيان الشمس في الأفق
وسأناقش فقرة فقرة ليكون نقاشي واضح.
فقرة لؤلؤة الرحمن
*****************
(" منظلمش علمائنالانه حرامهما صوتهم اتنبح من كتر الصياح محدش سامع ولا سائل فيهم ")
ردي علي الفقرة
**************
وأقول وبالله التوفيق إن موقفهم مخزي إلا من رحم ربي بالدليل من القرءان والسنةوإليك الأدلة:-
1: العلماء لا يمتلكون الجهاد ولكن لديهم ما هو أقوي من الجهاد وأفضل درجاته وهو " أفضل الجهاد كلمة حق عند سلطان جائر " أين هذا الحديث وأين بحوح صوت العلماء في ذلك وأين .. وأين ..وأين ..؟ أعتقد أن حديث العلماء خالي تماما من هذا الحديث بل أنهم لا يلقون له بالا " طائفه منهم " تصوري معي لو أن العلماء تجمعوا وقالوا علينا أن نرشد الرئيس " مبارك الي تحقيق الصواب من الفعل والقول " العلماء يحدثوننا نحن الشعب ولا يلقون لأصحاب السلطة بالا نجلد أمام العلماء ويصمت العلماء أين هم من أبو بكر النابلسي..؟أين هم من أحمد بن حنبل..؟أين هم من إبن تيمية..؟
أختي في الله
راجعي سير هؤلاء وراجعيها بقلبك ستجدين من المواقف العجيبة في إرشاد الحاكم ما هو أعظم مما أصف وأقول..
ثانيا أين العلماء من الحديث لتأمرا بالمعروف ولتنهون عن المنكر و"""لتأخذن علي يد السفيه ولتحملنه علي الحق حملا وإلا ليصيبكم الله بعذاب فتدعوا فلا يستجاب لكم"""
أين هم من حمل السفيه وهو يمنعنا عن الجهاد..؟
أين هم من السفيه وهو يمنع المعونات عن إخواننا..؟
أين هم من السفيه وهو يبيح السجائر..؟
أين هم من السفيه وهو يعرض ما يعرض من المنكر في التلفاز..؟
أين هم من السفيه وهو يود إلغاء كتاب الدين في المدارس..؟
أختي لا يتكلمون إلا معنا نحن الشعب ولا توجيه إلي السلطة التي يقول سيدنا عثمان بن عفان رضي الله عنه ""إن الله ليزع بالسلطان ما لا يزع بالقرآن"" أ] أنه قد لا يستطيع التوجيه الايماني تنفيذ أمرا الا بالقوة والسلطة
فلن يستطيع العلماء نهائيا -وأقولها لأن هذه سنة الله في الكون- أن يمنعوا شرب السجائر بالخطاب الديني ولكن يستطيعون ذلك بالسلطة أقولها علنا أن ""مبارك الوحيد القادر علي منع شرب السجائر في بلادنا""وكذالك هو القادر علي إنهاء الكثير من مشاكلنا اليوم..
أين هم من كل ذلك يا أختاه والله إنهم لابد أن يكونوا في مقدمة الناس في المطالبة بالحق ويكونوا في صدر المتقدمين للمطالبة بالعدل وعدم الظلم ..
إنما أن تقصف غزة ونجد العلماء يتكلمون في ذات الوقت عن جمال اللغة العربية وعن حكم الوضوء فهذا لا يرضاه الله عز وجل وهل لو كان صلاح الدين موجودن لرضي بما يحدث أعلنها صريحة إن ما يحدث اليوم قد حدث من قبل عندما كان العلماء في وادي والشعب في وادي أخر في عهد دولة المرابطين فسقطت الدولة بكاملها.
أين هم أطيعوني ما أطعت الله فيكم.
أختي الكلام كثير عن واجب العلماء.
فقرة لؤلؤة الرحمن
****************
(" بس تعالى معاايا كده وفكرى شويه
لو فضل المعبر مفتوح ليل نهار واللى يعدى يعدى وتبقى هيصه ده مش فى صالح حد لا الفلسطنين ولا احنا لانه وبكل بساطه هندى الصهاينه سبب لضربنا احنا ودخول ارضنا اللى سقناها بالدم عشان نرجعهاورجعت فى 73المصابين يعدوا للعلاج ماشى المعونات تعديلهم للمساعده برده ماشى انما تبقى سايبه للكل معتقدش فى مصلحتنا وده مش تخلى عن اخوانا بالعكس احنا معاهم وبنعمل اللى نقدر عليه انما اكتر من كده هنموت معاهم ووقتها لا احنا ولا هما هنلاقى حد يساعدنا").
ردي علي الفقرة
**************
أقول وبالله التوفيق
لابد من فتح معبر رفح فتحا دائما
وهذه هي الادلة
1: راجعي أختي في الله وفيها إيه لما يأتوا الي مصر ونحارب معهم ويضربنا الصهاينة أنظري معي ""تبايعوني على السمع والطاعة في النشاط والكسل، والنفقة في العسر واليسر، وعلى الأمر بالمعروف والنهي عن المنكر، وأن تقولوا في الله, لا تخافون في الله لومة لائم، وعلى أن تنصروني فتمنعوني إذا قدمت عليكم مما تمنعون منه أنفسكم وأزواجكم وأبناءكم، ولكم الجنة""
هل تعلمين كلمات من تلك إنها كلمات النبي صلي الله عليه وسلم في بيعة العقبة الثانية تموتون من أجل الدين وأنتم تقولون سمعنا وأطعنا وأن تقولوا إنا ها مقاتلون لا قاعدون فلنمت سويا أشرف من أن يموت إخواننا ونعيش أذلة ملطخة أيدينا بدمائهم الصهيوني يعتمد علي ذلك الخوف من الموت فالنبي صلي الله عليه وسلم كما ذكرت غربتي أعلاه أنه قال حب الدنيا وكراهية الموت.
ثم إنك لؤلؤة الرحمن تضخمين في قوة الاسرائيلين إلي درجة خرافية فأنا أقولها لكي صريحة لا يستطيع الإسرائيليون القرب من مصر مرة أخري بل وإن كان لن يتعدوا 300 متر اللي الجنود المصريون سايبنهم للفلسطينين علي الحدود. لو أن أسرائيل تعلم أن في المسلمين من يغضب غضبه لن ننام فيها وسنذهب جميعا الي فتح معبر غزة بالقوة لتوقف الضرب فورا وأنتي تقولين أن إسرائيل ستضرب مصر إسمحيلي أذكرك بحزب الله هذا حزب صغيرا جدا لا يمتلك طائرات ولا عدد كبير من الجنود وإنما هو حركة مقاومة ليس جيشا نظاميا فعل الافعايل في إسرائيل
أسائلك بالله عليكي ما بالك بخير أجناد الارض ..؟
ختاما أقول
إن الإسرائيليين لن تنتظر حتي نقرأ القرءان ونصلي بالليل وإلا ما حدث اللي يحدث وهذا ليس كلامي بل كلام النبي صلي الله عليه وسلم "" لتأخذن علي يد السفيه ولتحملنه علي الحق حملا وإلا ليصيبكم الله بعذاب فتدعوا فلا يستجاب لكم ""
لابد من التحرك الجماعي ولنظهر القوة لإسرائيل كي تتوقف عن ما يحدث ..
أعلنها أي حق لمبارك أن يمنعنا عن الدفاع عن إخواننا في غزة.
أعلنها أي حق لمبارك أن يساعد الإسرائيليين علي ضرب إخواننا في غزة.
أعلنها أي حق لمبارك أن يخدع حماس في إبلاغهم عن وقت الحرب والقصف.
أعلنها أي حق لمبارك لحصار إخواننا في غزة.
أعلنها أي عذر للعلماء علي عدم اللقاء بمبارك ونصحه فيما يفعل.
أختي و أخوتي في الله لقد طفح الكيل لو أن أحمد بن حنبل موجود هل كان سيرضيه ما يحدث..
أبو بكر النابلسي سلخ أمام الجميع في الشوارع ولكن دفاعا عن الحق وعن الدين
فإذن مرحبا بالشهادة وأفضل الجهاد كلمة حق
أتمني من أختي اخر العنقود أن تسامحني في الله والله أنا أسف وأتمني من أختي في الله لؤلؤة الرحمن مراجعة موقفها مرة أخري .
أبو فاطمة
السلام عليكم
نسيت أقول مقترحي
نتحرك جميعنا يتقدمنا العلماء لفتح المعبر وإن إستطعنا المرور مررنا
لا حول ولا قوة الا بالله
لا حول ولا قوة الا بالله
لا حول ولا قوة الا بالله
نحن لم ولن ننسي اخواننا في غزة ابدا
ولم نوقف المقاطعة او الدعاء والتبرع
جزيتم خيرا علي الموضوع الاكثر من ايجابي
اخى ابو فاطمة
لك وللجميع مطلق الحرية فى التعليق والنقاش المثمر المفيد
وجزاكم الله خيرا على حسن نقاشكم وتفاعلكم مع الموضوع
وكم سعدت بهذا النقاش والتفاعل
اسأله الله أن يجعله في ميزان حسناتكم جميعا
لك كل التقدير والاحترام
********
حبيبتى لؤلؤة الرحمن
ارجو قراءة ما قلته ثانية
لان كلامى ليس ببعيد عن اغلب ما تريديه
فصدقتى فى ان علينا الرجوع لكتاب الله وسنته
فمن اعمالكم سلط عليكم .. حقا
لكن يجب ان نصلح من انفسنا وان نقول قولة حق
فهذا لا يعارض ذاك
هدفي من البوست هو محاولة النظر الى مايحدث الان بشكل ايجابي
فما نراه ونسمعه كل لحظة فىالفضائيات يدمي القلب على حالنا كعرب وتشتتنا وحال اخواننا ومايحدث لهم
ومع ذلك نراهم صامدون يرددون لا للانكسار ،،، لا للضعف ،،، لاالخنوع
هذا ما اردت ان نردده معهم
ان تعلو اصواتنا بكلمة حق
ان نصرخ ونغضب لله وليس لانفسنا
ان نفهم هذا الانذار الربانى الموجه لنا
فهم نالوا أغلى ما يتمناه المرء
اصطفاهم الله عزوجل للشهادة
لكن غاليتى ماذا نفعل نحن الاحياء؟؟؟
سنسأل وربي عما يحدث لهم الان
ماذا فعلنا ؟؟ وأي شئ قدمنا لنصرتهم؟؟
تخيلي معي لو نحن مايحدث معهم الان
بالله عليكى ما احساسك تجاهم لو كان موقفهم منا مثل موقفنا نحن معهم الان؟؟
الم نشعر وقتها بالخزى؟؟
الم نشعر بالوحدة والظلم ؟؟
الم نشعر بان عدونا استطاع ان يفرق جمعنا ويصمت عقولنا ويخرس السنتنا؟؟
حبيبتى ما يريدوه العدو الصهيونى
هو مانحن عليه الان
الاختلاف وتمزق اوصالنا وتشتتها؟؟؟
مايريده هوه القاء اللوم على كل منا دون احساس كل منا بالتقصير؟
ان نرى مايحدث لاطفالنا وامهاتنا وشيوخنا ولا نملك الا مصمصة الشفاه
ان نسمع هذا التفرق بيننا ولا نملك الا القاء اللوم على هذا وذاك
علينا ان ننصر الله فى انفسنا
ان ننصر فى اهلنا
ان ننصر الله فى اخلاقنا
ان ننصر الله فى دعوتنا ورسالتنا
حينها حتما سينصرنا الله ويكرمنا بوعده
فالله الله في شباب الامة وفى صحوة الاسلام والتمكين له
حبيبتى لؤلؤة الرحمن
ارجو ان يكون كلامى خفيفا عليكى
فوالله الذي لا اله غيره
ما اجتمعنا هنا الا لله وحبا وطمعا فى نصر الله
وما كتبنا ولا تكلمنا الا لله
وربي لقد سعدت بتعليقك ونقاشك المثمر
كفى انك قرأت وتابعتى
فلكى منى كل الحب والتقدير غاليتى
اسأل الله أن يتقبل منا ومنكم
وأن يرزقنا الاخلاص فى القول والعمل
وأن يرزقنا واياكى حسن البصيرة
والله المستعان
دمتى بكل الحب والود حبيبتى
متابعة بكل الحب
السلام عليكم ورحمة الله وبركاته
*بداية بارك الله فيكى أختى أخر العنقود على هذه الرسالة الشاملة والقوية .
*أتفق معكى فى كل ما ذكرتيه من واجبات بالفعل مضى وقت الكلام وحان وقت الفعل .
*وأضيف أنه يجب علينا ألا نتصور أنه بدعائنا لأهل غزة قد فعلنا كل ما فى وسعنا نحوهم هذه مخدرات كما ذكرتى وكما ذكر الشيخ حازم كمال أبو اسماعيل فى قناة الرحمة
واجبنا هو واجب مركب يتكون من كل ماذكرتيهبالاضافة الى إعلان الغضب وكلمة الحق عند سلطان جائر .
*أتفق تماما مع اخوتى غربتى وأبو فاطمة وشهيدة فيما ذكروه.
*أتفق مع اختى لؤلؤة الرحمن فيما ذكرته عن وقف تصدير الغاز للكيان الصهيونى .
** أختلف بشدة مع أختى لؤلؤة الرحمن فيما ذكرته:-
1- بالنسبة للعلماء : أقسم بالله أنه عندما شاهدت قناة الرحمة أثناء العدوان وجدت فيها شيخ يتكلم عن اللغة العربية
ثم ان أغلبية علمائنا إلا ما رحم ربى قد فعلوا كما فعل بنوا اسرائيل الذين قال عنهم الله فى كتابه " وإذ أخذ الله ميثاق الذين أوتوا الكتاب لتبيننه للناس فى الكتاب فنبذوه وراء ظهورهم "
كيف ذلك ؟
لأنهم عندما يتحدثون عن القضية يركزون على جوانب ويتركون جوانب أخرى فهم يركزون على " يأيها الذين أمنوا اصبروا وصابروا " ولكنهم يهملون " ورابطوا"
يتحدثون عن الدعاء الذى هو أضعف الايمان ويهملون أفضل الجهاد فإن لم يكن جهاد النفس متاح فهناك جهاد أفضل من كم ذكر النبى صلى الله عليه وسلم " أفضل الجهاد كلمة حق عند سطان جائر"
أين حديثهم عن الجهاد؟ أين حديثهم الموجه للحكام ؟ نرفض أن يكون حديثهم موجه فقط للشعوب فالشعوب ليس بيدها شىء ولكن لابد أن يكون خطابهم للحكام
ولن أعيد ذكر الاحاديث الذى ذكرها أخى أبو فاطمة .
2- بالنسبة لموضوع المعبر
من قال لك ان فتح المعبر ليس فى صالح الفلسطينيين ؟
أجاوب انا الرئيس فى حديثه
الرئيس الكاذب الكبير الحقير الذى يجيد تمثيل المسرحيات هو وأتباعه
ومن قال ان فتحه سيعطى اسرائيل الحجة لضربنا
أولا احب ان اوضح أن أسطورة الجيش الذلى لا يقهر تحطمت وأسرائيل لا تسطيع فتح مواجهة مع مصر لا ولن تسطيع ذلك هذه مجرد أوهام
بدليل ما فعله حزب الله الصغير بإسرائيل فى الحرب الاخيرة
ياريت نتخلى عن هذا الرعب الذى نعيش أنفسنا فيه
محور حديثك يفرق بيننا وبينهم على أساس انهم فلسطينيون ونحن مصريون
أقولها بأعلى الصوت تسقط مصر إذا قامت الخلافة الاسلامية
انهم إخواننا وواجب علينا نصرتهم والحرب معهم وليس فضلا منا ونافلة
انه فرض عين
3- "لكن ننضرب ونموت نفتح الباب تانى للصهاينه يدخلوا ويضربوا ارضنا بأى حجه مهما كانت لا"
أنا لا أفهم هذه الجملة
هل معناها أنلا نؤذى اسرائيل حتى لا تؤذينا ؟
هذا معناه وقف المقاومة
4- "هنفضل نعلق حالنا على العلماء والحكومات والظلم ومعرفش ايه"
نعم السبب هم الحكومات والظلم لو كانت هذه الحكومات مؤمنة صالحة متمسكة بكتاب ربها ما كان هذا حالنا وبالطبع أيضا نحن أيضا سببا فى ذلك ببعدنا عن ديننا ولكن تأثير الحكومات هو الاكبر لأنهم هم الذين بيدهم السلطة والقوة وليس نحن
حسبى الله ونعم الوكيل فى هؤلاء الحكام جميعاً
أختى فى الله نصيحة فى الله
توقفى عن مشاهدى القنوات المصرية وقراءة الصحف القومية لو كنتى تبحثين عن الحقيقة المجردة .
لقد تعلمنا من سيدنا وقائدنا محمد صلى الله عليه وسلم ان الامل والصبر والثقة فى نصر الله ولذلك فأنا واثقون من ان (جنين الحرية يولد من رحم المعاناه ) و(انه لا تزال طائفة من امتى ظاهرين على الحق لايضرهم من خذلهم اوخالفهم) رواه مسلم
وان وعد الله اتى عن قريب
أؤيد مقترح اخى أبو فاطمة فى أن نفتح معبر رفح بالقوة
نسيت التكلم عن العلماء والمعبر
اما العلماء فأنا ارى ان علماء كثيرين بدأو فى التحرك وعلى رأسهم العلامة الدكتور يوسف القرضاوى رئيس الاتحاد العالمى لعماء المسلمين
وان شاء الله ربنا يوفقهم للخير وغالبا اذا خذلهم الحكام ستؤيدهم الشعوب العربية
وربما ونتمنى ان يظهر لنا العز اب عبد السلام مرة اخرى
...........................
اما بخصوص المعبر
الحاكم الذى لا يحترم النظام والدستور لا ننتظر منه غير ذلك
وفعلا نحتاج الى فنحة بالقوة
السلام عليكم ورحمه الله وبركاته
-----------------------------
الواضح انه محدش فهم اقصد ايه من كلامى بالظبط
عموماانا رافضه فكره الكلام الكتبير لانى زهقت من كتر الكلام
بس هوضح كلامى تانى لانى فعلا نفسى الكل يفوق ويبطل كلام ونبدأ فى الفعل
يمكن لانى سمعت كلام كتير ومن ناس كتير وفى مواقف كتيررررر
وبعد فتره بلاقى حماس الكل انتهى وبقى ماضى
انا مش خايفه من اسرائيل بالعكس انا نفسى يكون فى مواجهه بينا وبينهم وواثقه اننا قدهم واقوى بكتير وانهم هما اللى مرعوبين مننا
**ومننا بحدد بيها مصر بس **
بس شايفه حكومات بايظه
فى كل الوطن العربى
وشعوب تقوم تقوم وتنزل على مفيش
وأزهر كبيره شيخ منصر وبيدور على شكله العام وموالس مع الحكومه
و.و.و..الخ.......
عموما اتمنى من كل قلبى الغمه تنزاح وفلسطين واى شعب عربى يتحرر وتكون الامه تحت خلافه واحده وكلمه واحده
بس اعتقد انه كل ده مش هيحصل غير برجاله حقيقين احفاد عمر بن الخطاب وخالد بن الوليد
انما بهيثم وتامر وفوفا
هنفضل ناخد فوق نفوخنا
من حق اى حد يعترض على تفكيرى اكيد
بس انا مقتنعه انه احنا بتوع كلام وبس ولا معبر هيتفتح ولا اى حاجه هتحصل من اللى بنهاتى بيها
وهفضل مصره انه طول محنا مبنعملش حاجه غير الكلام برضه مش هيحصل اى حاجه غير كلام ووعود على ورق
ضحك على الدقون
واى كلام عشان الناس تهدى وتنام وكل حاجه ترجع لطبيعتها وكأن شيئ لم يكن
وبالنسبه لموضوع العلماء اللى بقصد بيهم عدد معين يتعد على صوابع الايد الواحده برضه شايفه انهم عملوا اللى عليهم وبيحاولوا
وهو ده اللى بيعمله بعض العلماء
بيحولوا يبنوا بنيان صحيح يقدر يصمد
انما نجرى من غير منكون عارفين بنجرى فين ولا ليه ولا حتى ازاى يبقى مشاعر وقتيه وهتعدى زى معدت كتير قبل كده
اعتقد قبل منقول يلا نحارب ونثور ونعمل ابطال
المفروض على الاقل نكون عارفين تعاليم دينا وماشيين بالشريعه الاسلاميه اكيد طبعا فى ناس ملتزمه
بس ياترا كام
مليون اتنين تلاته عشره حتى
فى اضعافهم ماشين بكلمه عادى وانت حر مالم تضر معتش حد بيسمع كلمه ده حرام
بقت عيب ومش دايما كمان
نفسى بجد الاقى رجاله بتعمل حاجه اى حاجه غير الكلام
مبارك وغيره من الحكام مش هيسمع لشيخ ولا اتنين ولا حتى عشره
هيتحرك ويمكن يقتنع كمان اما يلاقى ملايين الرجال قامت وثارت وصممت على التغير مهما كانت النتيجه
غير كده مفيش امل
اسفه لو كلامى هيوصل بطريقه تشائميه
بس ده الواقع مهما زوقناه هو واقع لازم يتغير ومش هيتغير غير بالفعل مش بالكلام والهتافات ولا حتى المظاهرات السلميه ولحد منلاقى رجاله بجد تقدر تغير الوضع
اعتقد سياسه مبارك حميانا حتى لو كانت اكلانا
الله المستعان
----------------------------------
السلام عليكم ورحمة الله وبركاته
أختي لؤلؤة الرحمن
****************
أبدأ بما إنتهيتي به حضرتك وللأسف
فقرة لؤلؤة الرحمن
******************
"" ولحد منلاقى رجاله بجد تقدر تغير الوضع اعتقد سياسه مبارك حميانا حتى لو كانت اكلانا""
ردي علي الفقرة
***************
1: سياسة مبارك حميانا أعتقد إن حضرتك منزلتيش الشارع المصري لتري الحماية علي أصولها التي تتمثل " في التعذيب في السجون - الاستغلال - قنوات العري - إعتقال الدعاة والعلماء - الإحتكار في جميع المجالات - 40 مليون تحت خط الفقر - 8 مليون عانس - 8 مليون شاب عاطل - تعليم منحدر - ضياع الصناعة - سرطنة المزروعات - جبروت الشرطة - فساد المساجد - ضياع الازهر - الخ "" أظن كفاية علشان دمي مينحرقش من كثرة الانجازات لمبارك اللي حمينا ولكنها حميها حرميها .
2: توضيح لمفهوم خاطئ لدي الكثير هل تعتقدين أننا لابد أن نتغير جميعنا للأفضل لا والف لا لأن الواقع و التاريخ والسيرة لا تذكر ذلك بل علي الملتزمين الاخذ علي يد الغير ملتزمين حتي لا تغرق السفينة ولن أكرر الاحاديث التي ذكرتها أعتقد حضرتك لابد أن تراجعي تعليقي السابق لمراجعة ما قاله المصطفي صلي الله عليه وسلم .
فقرة لؤلؤة الرحمن
*****************
""اسفه لو كلامى هيوصل بطريقه تشائميه
بس ده الواقع مهما زوقناه هو واقع لازم يتغير ومش هيتغير غير بالفعل مش بالكلام والهتافات ولا حتى المظاهرات السلميه""
ردي علي الفقرة
***************
1: أعتقد حضرتك عليكي مراجعة كلامك مرة أخري لانه وصل بطريقة ليست التشائمية بل السلبية البحته.
2: ولا أتصور وما هو الذي نأخذه عن النبي هل ما ورد عن النبي من أقوال وأفعال وإقرار ليس سوي كلام وعلي المستقبل للكلام أن يجيد الإستفادة من هذا الكلام
مثال ما الذي حضرتك تعرضينه علي مدونتك هل هو أفعال..؟ أم أنه ليس سوي كلام مكتوب وعلي المستقبل لهذا الكلام أن يستغل ذلك الكلام لصالح الخير والتنفيذ وهكذا ما تقولين عليه حضرتك شعارات وهتافات ما هي إلا أيضا كلمات لابد أن يستقبلها الافراد علي أنها تنفذ لصالح الخير بالعكس أن من يكررون هذه العبارات وهي "كفانا كلام وغيرها من العبارات " قد وقعوا في ما هم ينصحون بتركه "
مثال
حضرتك بتقولي أن علينا أن نفعل
أتفضلي قولي لي ماذا أفعل
علي سبيل المثال هتقولي لواحد مبيصليش صلي
هل هذا لا يعتبر كلام ...؟
تذكري مرارا وتكرارا ((( لست عليهم بمسيطر))).
فقرة لؤلؤة الرحمن
*****************
""نفسى بجد الاقى رجاله بتعمل حاجه اى حاجه غير الكلام مبارك وغيره من الحكام مش هيسمع لشيخ ولا اتنين ولا حتى عشره هيتحرك ويمكن يقتنع كمان اما يلاقى ملايين الرجال قامت وثارت وصممت على التغير مهما كانت النتيجه غير كده مفيش امل ""
ردي علي الفقرة
**************
1: تحدثت علي موضوع الكلام .
2: من قال أن مبارك لن يسمع لكلام العلماء ::لو أن مبارك علم أن هناك عشرون من العلماء علي الفضائيات دعوا الناس علي ألا ينامون فقط من أجل غزة ما نام هو الاخر من القلق ولكن للأسف هناك من يسير علي الجدول الموضوع من قبل أمن الدولة.
3: وأذكر حضرتك أن عالم واحد غير وجه العقيدة الاسلامية وثبت أقدامها علي الأرض الصلبة ولن أطيل في ذكره فهو أعلي مما أذكرة الامام أحمد بن حنبل في قضية خلق القراءن.
4: ثم علينا بالفعل ترك إخواننا في غزة دون أن نتكلم أيضا يموتون ونسبح بحمد مبارك حتي يأتي صلاح الدين لينقذ أهل غزة الذين يبادوا من وراء خيانة مبارك اللي حضرتك بتقولي إنه حمينا بجد حمينا وهو بيتفق علي إبادة حماس وعلي خيانة الإسلام وعلي قتل الإطفال وتشريد الناس وترميل النساء وموت الانسان علي أرض أهل غزة فلندعوا الجميع الي تحية مبارك لأنه مبعوث السماء لحمايتنا
بجد لن أطيل عن ذكر أمجاد مبارك التي يعرفها القاصي والداني من مشارق الارض الي مغاربها حتي ان النيويورك تايمز جريدة الامريكان المفضلة ذكرته ضمن أكبر ثلاثة طواغيط في العالم بأسره.
5: عليكي أختي بالفعل مراجعة نفسك في كلمة مفيش أمل لأن النبي يقول صلي الله عليه وسلم من قال هلك الناس فهو أهلكهم "" أي هو الذي أهلكهم بقولته هذه.
فقرة لؤلؤة الرحمن
******************
""اعتقد قبل منقول يلا نحارب ونثور ونعمل ابطال المفروض على الاقل نكون عارفين تعاليم دينا وماشيين بالشريعه الاسلاميه اكيد طبعا فى ناس ملتزمه
بس ياترا كام مليون اتنين تلاته عشره حتى فى اضعافهم ماشين بكلمه عادى وانت حر مالم تضر معتش حد بيسمع كلمه ده حرام بقت عيب ومش دايما كمان""
ردي علي الفقرة
***************
1:""أولا لا أحد يقول يلا نحارب ولكن يللا نفتح المعبر لإخوانا علشان يعيشوا ""
2:"" ثانيا هل علي في هذه الظروف أن أرجع لأراجع الشريعة الإسلامية وأترك من يباد الأن لأقرأ الأيات في القرءان لألعن نفسي بنص الأيات إذا قيل لكم إنفروا إثاقلتم ..أرضيتم بالحياة الدنيا "" ألم يقل ربنا وإن أحدا من المشركين إستجارك فأجرهحتي يسمع كلام الله ""
فأجره أولا ثم يسمع كلام الله أولا أنجد المبادين في غزة ثم نسمع الناس أيات الله إنقاذ المريض ثم البحث عن العرض ولماذا حدث إعطاء الدواء أولا والدواء في هذه الحالة هو إنقاذ من يموتون الان بالله عليكم دققوا في كلام الله إنقذوا ثم أسمعوا .
3: حضرتك بتنقدي نفسك بتقولي إنهم قد يكونوا عشرة ملايين وكيف أنت تقولين أن مبارك قد يغيير لو هناك ملايين ثاروا لتغيير اليس ذلك تناقد ولكن أقول أنا أنهم ملايين ولكن لايفهمون القضية فهما صحيحا بل فهما تبعا لجداول امن الدولة ناقشت أحدهم اليوم وعندما قلت له الادلة من القرءان والسنة ومن أقوال الصحابة قال لي السلام عليكم ورحمة الله وبركاته هل تعرفون بما كان يحاججني
كان يحاججني بقالت القناة الاولي وقالت جريدة الجمهورية والمساء والاهرام ولا حول ولا قوة الا بالله العلي العظيم.
"" للمعلومة حضرتك لم تعاملي الطبقة التي تموت في مصر والله بتموت يقف علي عربية ترمس والبلدية تخده هيروح فين يشتغل إيه هم الـ8 مليون شاب شغلين ولما يشتغل حرفه يقلولوه الضرايب كذا وكذا وكذا يا أختي كيف يسمع الكلام الالهية وهو يجد طائفة بتقول مبارك حلو مبارك عفارم عليه سياسة ذهبية لا والف لا أنا مع الشعب ومنهم وأري مايرون أسمع من الالفاظ من ضباط أمن الدولة ما يسمعون"" .
فقرة لؤلؤة الرحمن
****************
""
وبالنسبه لموضوع العلماء اللى بقصد بيهم عدد معين يتعد على صوابع الايد الواحده برضه شايفه انهم عملوا اللى عليهم وبيحاولواوهو ده اللى بيعمله بعض العلماءبيحولوا يبنوا بنيان صحيح يقدر يصمدانما نجرى من غير منكون عارفين بنجرى فين ولا ليه ولا حتى ازاى يبقى مشاعر وقتيه وهتعدى زى معدت كتير قبل كده""
ردي علي الفقرة
**************
1: حضرتك أنا لم أعترض علي بنيان العلماء جزاهم الله خيرا عنا ولكن نتركه الان لأن نقول كلمة حق عن سلطاتن جائر شديد الجور والظلم والله يذبحنا ويذبح إخواننا في غزة ويده ملطغة بدمائهم .
2: أي مشاعر وقتيه هل الغضب لدين الله مشاعر وقتيه يا لؤلؤة الرحمن راجعي الحديث الذي يقول عن الرجل الصالح فبه فبدأ لانه كان لا يتمعر وجهه لمحارم الله .....وأية لعن اليهود علي لسان عيسي بن مريم وداود عليهما السلام وأية لم تعظون قوما الله معذبهم أو مهلكهم قالوا موعظة الي ربكم ولعلهم يتقون.
فقرة لؤلؤة الرحمن
****************
""واى كلام عشان الناس تهدى وتنام وكل حاجه ترجع لطبيعتها وكأن شيئ لم يكن ""
ردي علي الفقرة
***************
**من قال أن هؤلاء يفعلون ما يفعلون علشان الناس تنام هم من يجعلون الناس تنام وتقول الحمد لله دعينا النهاردة لأهل غزة والحمد لله عملنا اللي علينا وأظن لن أتكلم عليها كثير فلقد ذكر ذلك أخي أبو خيري كلمة حق في أن هناك من الامة من يعطون الناس مخدرات لإرضاء الضمير فعلا هذا ما يحدث بالفعل .
فقرة لؤلؤة الرحمن
*****************
""ضحك على الدقون ""
ردي علي الفقرة
**************
لابد من مراجعة هذه العبارة لأنها تستخدم للسخرية من الملنزمين وخصوصا الملتحيين.
فقرة لؤلؤة الرحمن
*****************
"" بس اعتقد انه كل ده مش هيحصل غير برجاله حقيقين احفاد عمر بن الخطاب وخالد بن الوليدانما بهيثم وتامر وفوفا
هنفضل ناخد فوق نفوخنا""
ردي علي الفقرة
**************
أعتقد أن الكلام لابد أن يكون موضوعيا لان لو هنا أحد الناس يسمي بهيثم أو تامر لحزن فعلا لهذا فلابد أن يكون الاخ موضوع في عرض المشكلة أي شباب ليس له مرجعية دينية
2: وهل نبدأ بتأسيس الرجالة وأول درجات السلم سلبية في سلبيه بلاش المعبر مش هينفتح ولو عملتوا إيه أعتقد دعوه فعلا الي العودة الي الاسلام الشامل الكامل الذي يدعوا الي تلبية واجب الوقت وأولاويات الفقة الاسلامي في أيهما أولا إنقاذ أهالي غزة أم دعوة الناس الي معرفة الطريق الصحيح .
************
أخيرا
***************
أوضح وجهة نظري بعد كل ذلك أعتقد أن الطريقين صحيحين ولكن
أن ننقذ إخواننا أولا هو واجب الوقت
ثم
نعود إلي دعوة الناس الي العودة الي المنهج الالهي مرة أخري فنحن والحمد لله لم ولن نترك الدعوة الي دين الله عز وجل باذن الله ولكن ننقذ الجار ثم نسمع الناس كلام الله.
*****************************************************************************************
وأسئل سؤال سيوضح الامر
حائط جاري مكسور
فدخل منه مجرم ليتهجم علي جاري
هل
1: أذهب لإنقاذ جاري أولا من يد المجرم ثم أدعوه أنا وهو إلي إصلاح الحائط.
2: أذهب لأصلح الحائط وأترك جاري مع المجرم
*********************************
وأخيرا أيضا لقد إستفدت من مناقشتك أختي في الله لؤلؤة الرحمن وفي إنتظار ردودك لأني بالفعل والله يعلم ذلك تعلمت من خلال هذه المناقشة الكثير والكثير
بارك الله فيك ونسأل الله لي ولكي سعة الصدر للمناقشة والتفاهم والوصول الي الحق البين
أبو فاطمة
انا متفق معاك فى كل كلامك ...
انا عاشق لعلمائنا ومشايخنا .. لكن انت فاكر موقف سيدنا عمر بن الخطاب رضى الله عنه عند صلح الحديبية !!!
هى دى !! لكن مع الفارق طبعا اين الثرى من الثريا
انت فاكر الرسول صلى الله عليه وسلم قاله ايه وبعده سيدنا ابوبكر رضى الله عنه ...اكيد انت عارف
انا فى لحظة واحدة العشق والحب دا كله اتحول لحنق وغضب وبقيت اقول
هم ليه سكتين
هم ليه مش بيقولو كلمة الحق
الجهاد فرض ولازم يعلنوا دا للحكام
مش هم اللى علمونا حديث الرسول صلى الله عليه وسلم
افضل الجهاد كلمة حق عند سلطان جائر "
.... واكثر من ذلك والله
الى ان جائنى الرد او ان شئت فقل راجعت نفسى واحسست اننى ارتكبت جرما كبيرا واسال الله ان يغفره لى .. اقسم لك بالله انى ندمت ندما شديدا
كيف اتفوه على من علمونى
كيف انتقص من قدر من لولاهم ماعرفت الالف من كوز الدرة كما يقال
انهم ورثة الانبياء
وهم بشر يا اخى مثلهم مثلنا لكن الفارق بينهم وبيننا انهم لا يحكمون اهوائهم بل الحكم عندهم القران والسنة ... هذا لا يعنى انهم معصومون ، ولا يعنى ايضا انى اتحدث عن جميع العلماء
وابشرك
هل رايت البيان الذى وقعه اربعين عالم مصرى ؟؟!!
بالتاكيد رايته وقراته
البيان يطالب بتطبيق فريضة الجهاد
وانها فرض عين على كل مسلم ذكر او انثى ..
ولكن مع ذلك لا اخفيك سرا انى افتقد الى هذا الرجل الذى لم يكن يحسب تلك الحسابات ،، فكان دائما ناطق بالحق ولا يخشى فيه لومة لائم او بطشة حاكم ولا ازكيه على الله .. طبعا عرفته اكيد
الشيخ عبدالحميد كشك رحمه الله .. والله اعشقه وافتقده بشدة
اما النصر
فهو قادم باذن الله كما وعدنا ربنا سبحانه وتعالى
وانظر الان الى الامة الاسلامية فى مشارقها ومغاربها متحدة مكبرة مهللة بحمد الله مستغيثة بالله وحده لا بامريكا او غيرها .. حتى وان كانت قلة من الحكام او ان شئت فقل كلهم ..
وهذا والله نصر كبير يحسد عليه الاسلام
هذا بخلاف الاعداد الكبيرة من شهدائنا ... افواج افواج الى الجنة باذن الله
لكن لازم نتعلم الدرس !!!!
ومش اكتر من الكلام اللى اتقال فى التعليقات من الاخوة والاخوات ربنا يبارك فيهم
جزاك الله خيرا
السلام عليكم ورحمه الله وبركاته
اخى الفاضل ابو فاطمه
اولا قبل مبدأ انا مبعرفش اخد فقرات وانظم الكلام هكتب اللى بفكر فيه كله مره واحده
انت شايف فى كلامى
تناقض وحجات كتير ماشى انا معاك يمكن فى تناقض فعلا بس ليه
لانه صلا حالنا كله متناقض
انا مش سلبيه ولا فكرى محدود عشان اقلل من قدر اللى بيحصل دلوقتى ولا اقدر اقلل من حماسه الشعوب كلها فى الوقت الحالى
بس لانى فاكره مواقف كتير زى اللى حاصل دلوقتى وبالظبط الشعوب ثارت وهاجت وعملت المستحيل وفى النهايه انتهى الموضوع والكل نسى وعاش طبيعى
اعتقدانى مبألفش ولا عايشه الوهم لانه ده حصل فعلا وكتير فى فلسطين وانتفاضاتها والمظاهرات والمطالب .و.و.....
ومفيش اى حاجه اتغيرت ولا كأننا عملنا حاجه
يابو فاطمه داحنا مقدرناش نرد حق رسولنا اما تهان
قام المسلمين ومقعدوش وقتها وقالوا هنعمل مقاطعه وقامت مظاهرات
وسفارات اتحرقت
واتفق الكل على المقاطعه
شهرين بالظبط وعادت ريما لعادتها القديمه
واتجرأوا الكلاب تانى وهانونا وهانوا الرسول يبقى هنقدر نعمل حاجه لغزه
ثم زعلان ليه اما قلت انه الجيل الحالى مينفعش يكون مثل عمروخالد وباقى الصحابه
ماهو ده الحال فعلا
متبصش على نفسك وعلى الاخوه المحترمين
الملتزمين القلائل
انا بتكلم على الملايين اللى مثلهم الاعلى عمرودياب وانريكى اجلاسيوس وجون ترافولتا ونانسى عجرم وغيرهم من الفجره
الحته الوحيده اللى اركز عليها
""ضحك على الدقون ""
ردي علي الفقرة
**************
لابد من مراجعة هذه العبارة لأنها تستخدم للسخرية من الملنزمين وخصوصا الملتحيين
***************************
اولا انا مش قصدى خالص السخريه على الملتحين ولا الملتزمين
الناس دى اللى بتتبع سنه الرسول وبتحيى سنته فى الوقت والزمن ده
انا مقدرش اتكلم فى حقهم بحرف
بالعكس انا ادعيلهم ربنايزيدهم ويعينهم
انا فعلا قلتلها وبقصد بيها سخريه
بس مجاش فى بالى خالص الملتزمين
انا بتكلم عموما وعمرى مسمعت انه حد خصص الكلمه والمثل للملتزمين قبل كده
انا بقصد الناس كلها عموما
ومفهمتش برضه انت المعنى من كلامى على الريس مبارك
معرفش ليه اخدت بالك من ضحك على الدقون مع انى مقصدتش من وراها اى مغزى
ومخدتش بالك انى اقصد حجات كتير من قولتى انه سياسته حميانا حتى لو اكلانا
مع انه الاستهزى والمعنى واضح اوى فى كلامى
انت لو تعرف انا بفكر فى حاكم لللمسلمين ازاى سواء فى مصر او باقى الدول كنت فهمت كلامى
بص كفايه مناقشه فى الموضوع ده
لانه هيدخلنا فى متاهاات وكفايه علينا صريح اوى ربنا يرده بالسلامه
افهم كلامى يابوفاطمه صح
بلاش تاخده
من منطلق انى سلبيه
انا بقصد كتير ورا كلامى بس ركز انت
الله المستعان
----------------------------------
"فان كنا لانستطيع محاربة هؤلاء الصهاينة بالطائرات
فلنحاربهم بديننا
برجوعنا إلى إسلامنا الصحيح
أصلنا طول مااحنا بعيد عن دينا مش هنقدر نساعدهم بحاجة
بل بالعكس هنكون بنعين أعدائنا ونمكنهم من إخوانا ومن نفوسنا"
هو ده الكلام
حسبي الله ونعم الوكيل
فعلا يجب الا ننسى شعارنا الى الابد...أنا السبب!!!
السلام عليكم ورحمة الله وبركاته
أختي في الله لؤلؤة الرحمن
**********************
بارك الله فيك لابد لي أن أوضح بعض النقاط بعدها نتفق..
1: والله الذي نفسي بيده أنا لم أقصد أنك سلبيه بل قصدت أن الكلام يتضح منه أن العبارة تدل علي السلبية.
2: والله الذي نفسي بيده أنا لم أقصد أنك تسخري من الملتزمين وكيف وأنت واحده منهم وهذا ما نظنه فيك ونحسبك علي خير والله حسيبك.
3: موضوع الشباب وتشبهم بعمر وخالد والله يا اختي أنا أقل الناس من الناحية الايمانية بل أقلهم في كل شئ وربنا يغفر لنا ذنوبنا كلها ولكن إعتراضي ذكر أسماء بعينها مثل تامر وهيثم فقط لأن ممكن أصحاب هذه الاسماء يوجدوا علي الرأي دون أن يقرأوه.
4: هذه العبارة بالفعل هي سخرية علي الملتزمين فأنا أنصحك فقط أختي بتركها في حديثك وأن وجدتيها في حديثي فنبهيني لها.
5: والله أسلوبك في الحوار أفضل من أسلوبي ولكني تعودت علي هذا الاسلوب في النقاش فهو يجعلني أكثر متابعة لتعليق غيري.
6: ربنا يبارك فيكي وأنا أعلم نضج فكرك والله هذا ظني بك ولولا ذلك ما حاورتك ولا ناقشتك.
نتفق في سوء الحالة السياسية لدي الحكام العرب
نتفق علي لابد علينا قول كلمة الحق وإعلانها علي مدوناتنا صريحة لا لغلق معبر رفح
نتفق أن علينا جمع التبرعات لأهل غزة ونشر القضية بالفهم الصحيح وسط الناس والله يا اختي في ناس بتقول إن أهل غزة يستهلوا اللي همه فيه ويقتلون ضميرهم بكلام مبارك الخادع.
نتفق علينا أن نقاطع المنتجات وأن ندعوا الي مقاطعتها علي مدوناتنا
وان لا نكل ولا نمل من هذا كله حتي لو باع الناس اجمعين القضية فلن نتركها ابدا ولو كنا وحدنا
بارك الله فيك وجزاك الله خيرا
أبو فاطمة
نقاش من أهم نقاشات حياتي والله شهيدا علي ذلك
future in aqsa يقول...
و أنا كمان بقول...
"فان كنا لانستطيع محاربة هؤلاء الصهاينة بالطائرات
كنا لانستطيع محاربة هؤلاء الصهاينة بالطائرات
فلنحاربهم بديننا
برجوعنا إلى إسلامنا الصحيح
أصلنا طول مااحنا بعيد عن دينا مش هنقدر نساعدهم بحاجة
بل بالعكس هنكون بنعين أعدائنا ونمكنهم من إخوانا ومن نفوسنا"
هو ده الكلام
حسبي الله ونعم الوكيل
فعلا يجب الا ننسى شعارنا الى الابد...أنا السبب!!!
ــــــــــــ
وياجماعة مفيش مجال لتضيع الأجر في الجدال ..
يقول النبي صلى الله عليه وسلم :
(أنا زعيم ببيت في ربض الجنة لمن ترك المراء وإن كان محقا ...) الخ الحديث
ــــــ:::ـــــــ:::ــــــ
يارب العزة انصرنا في غزة ..
بجد بوست رائع
ربنا يثيبك عليه خير
السلام عليكم اختى الغالية آخر العنقود
لم اجد ما اعبر به عن ما يدور بداخلى
وخصوصا بعد قراتى للتعليقات
المليئة بالأحزان والدموع
ولكننى املك ان ادعو لهم بقلب
يئن من المه لعل الله يتقبل منا
ويتقبل منكى عملك
تقبلى مرورى
smilyrose
روح الحب الصادق
اختى الغاليه .. اصبح الصمت هو الشئ الوحيد الذى يخيم على كل من يخاف على نفسه اومصالحه فى مكان وفى اى مجال رغم ان الجميع يعلم الحقيقة ولكنه الصمت ياعزيزتىولكننى
ادعو كل من يدعى انه ينتمى الى عالم البشريه ان يخلع عن يده سواره الذهبى من الصمت وعن عنقه قلادة الصمت الذهبيه ..
لما الصمت الم تئن ضمائرنا وتنفطر اكبادنا
تحت الصمت
تلاقى عيون تعبانه دبلانه من كتر الكتمان
تحت الصمت
تلاقى البركان ...يغلى يتفجر فى القلب الميتان
تحت الصمت
تلاقى فى القلب الف حقيقة وبرهان
تحت الصمت
مارد محبوس فى حجر صوان ... بيصرخ بيرج الجدران
والصوت مخنوق فى الحلق بيقوله انطق ياجبان
تلقى الخوف من خوفه بيقوله اسكت اسكت ياشيطان
إرسال تعليق