لو سمحت لحظة

هذا الموضوع نقلا عن المدونة الاسلامية

قبل ماترفع اغنية على الإنترنت , لو سمحت لحظة

دعونا أولا نخبركم بأن الآغاني المنتشرة حالياً حرام شرعاً ( طبعاً بإستثناء الاناشيد والاغانى الإسلامية والحماسية الهادفة )

ويوجد أدله شرعيه كثيره على ذلك ، وهي ليس بموضوعنا اليوم

ثانيا انا عايز اخوانى يتقبلوا منى الموضوع كأخ ليهم
لانى لا اقصد الا المنفعة
والله من وراء القصد

موضوعنا عن

قبل ماترفع اغنية ولا فيلم ولا ماشابه
لازم تكون عارف ايه اللى انت بتعمله بالظبط ؟؟؟
دلوقتى انت رفعت اغنية حملها فلان وبعت اللينك لفلان وفلان بعتها لعلان
وعلان عمل بيها موضوع جديد وحط اللينك بتاعها لمنتدى او موقع بالكامل ,, طيب ثوانى بقى

لو انت هاتشيل ذنب الاغنية عن كل واحد سمعها يبقى ده موضوع يستحق منك وقفة

ازاى ,,, وانا مالى ,,, اشيل ذنب مين يا عم ماكل واحد حر فى اللى بيعمله
اكيد انت عارف ان
قال رسول الله صلى الله عليه وسلم
((الدال على الخير له مثل اجر فاعله لاينقص ذلك من اجره شيئ والدال على الشر له مثل اجر فاعله لا ينقص ذلك من اجره شيئ ))

طيب انا نيتى خير وعايز انفع الاخرين؟؟
أظن ان المنفعة فى حاجات تانية كتيرمش فى الاغانى او الافلام

طيب يا عم اذا كنت انا عمال احمل اغانى اشمعنى مارفعهاش؟؟
يااستاذى الفاضل الا تكتفى بذنبك كمان عايز ذنب غيرك
فى حاجة اسمها صدقة جارية
وانا اؤكد لك ان مثل هذه الاشياء سيئة جارية
فاتق الله ولا تعمل على نشر ما تعلم من داخلك انه حرام

والله يا اخوانى
منذ أيام جلست افكر ما الذى فعلته سالفا ونسيته
وبحثت عن ما اعطيته لغيرى
دون علم منى أهو خيرا ما اعطيه أم شر ؟
إن الله لا ينسى
فكل كبيرة وصغيرة سنجدها حين لقاء الخالق الجبار
اتق الله وانظر ماذا وضعت لنفسك ولمن حولك
نافع تجزى به ؟
أم ضار لن تجنى منه سوى النار ؟
( إلا من رحم ربى )
ادعوكم يا اخوانى
ان تبتعدوا عن هذه السيئة الجارية
والله من وراء القصد
وعافانا الله واياكم
والسلام عليكم ورحمة الله وبركاته